Տասը պատճառ՝ աշունը սիրելու համար

Աշունը տարվա առանձնահատուկ ժամանակներից է, երբ ջերմաստիճանն իջնում է, օրն էլ կարճանում: Այստեղ ներկայացված է բնության առաջարկն այս եղանակի համար:

Մենք բոլորս էլ սիրում ենք աշունը, այդպես չէ՞: Սա տարվա այն առանձնահատուկ ժամանակն է, երբ եղանակը զգալիորեն սառում է, գիշերն էլ նկատելիորեն երկարում:

Աշունն ազդարարում է անցումը սառը, մութ և տխուր ձմեռվա ամիսներին, բնությունը կատարում  է իր վերջին զարմանալի գործունեությունը՝ նախքան տաք ու արևոտ գարնան դանդաղ վերադարձը:

Ինչպես շատ երկրներ,Միացյալ Թագավորությունը նույնպես պարծենում է իր վայրի բնության գեղեցկությամբ:

Այսպիսով, եթե դուք այնքան էլ չեք սիրում աշունը, ահա ձեզ տասը հրաշալի պատճառ, որ սիրեք այն:

                                                  

                                                     Սնկային ասպատակություն

Տաք ամռանից և խոնավ աշնանից հետո ամբողջ երկրով մեկ՝ անտառածածկ տարածքներից մինչև փտած գերաններ և մարգագետիններ, ուտելի և թունավոր սնկերի «պայթյուն է» տեղի ունենում: Սնկային ասպատակությունը, պտղամսի սպորների տարածման գործընթացի նախապատրաստումն է, որը սկիզբ է դնում էկոլոգիական վերամշակողների նոր սերնդին:

Սնկերը միանգամայն տարբեր են թե՛ բույսերից, թե՛ կենդանիներից և ունեն իրենց սեփական թագավորությունը: Այստեղ՝ Միացյալ Թագավորությունում, կարող է լինել ամենատարբեր չափի, ձևի և գույնի, ավելին քան 15000 տեսակի սունկ: Այնուամենայնիվ, դրանցից շատերը չափազանց թունավոր են և միայն վստահելի ուղեկցորդի կողմից կարող են ճանաչվել:Ավելի լավ է դիմել մասնագետի. նա կօգնի ստանալ առավելագույնը սեզոնային այս երևույթից:

                                                 Մառախլապատ առավոտներ

Ջերմաստիճանի նվազման, գիշերների երկարելու և օդում խոնավության բարձրացման առավելություններից մեկը աշնանային, մառախլապատ առավոտյան զբոսանքն է քաղաքից հեռու: Միացյալ Թագավորությունը մի քանի սքանչելի դաշտեր, զբոսայգիներ և բաց տարածքներ ունի, հենց վաղ առավոտյան էքսկուրսիաների համար: Այսպիսով՝ աններելի է զբոսանքի չգնալը՝ նախքան արևը կցրի հաճելի մառախուղը: Մեկ անգամ վաղ առավոտյան այցելեք Միացյալ Թագավորության 15 ազգային պարկերից մեկը և այն արժանի կհամարեք, ձեր վաղ արթնանալուն:

                                             

                                                        Շլացուցիչ տեսարաններ

Հարյուր հազարավոր սարյակների՝պտտահողմի նմանվող «բաբախող» ամպերը և կտցահարման ձայները, միայն, որպես վայրի բնության հրաշալի տեսարաններ կարող են համարվել: Սարյակների այս հավաքույթը աշնան և ձմռան ընթացքում է տեղի ունենում: Աղջամուղջն ամենահարմար պահն է դիտման համար, քանի որ նրանք՝ դաշտերում, անտառածածկ վայրերում և եղեգնուտներում՝ գիշերելու վայր են փնտրում:

Ինչու՞ են նրանք կազմակերպում այս հոյակապ ներկայացումը: Դա իհարկե միայն մեր հաճույքի համար չէ: Սարյակները հավաքվում են գիշատիչներից պաշտպանվելու համար, քանի որ բարդ է ամորֆ, հիպնոսային ապի միջից ընտրել մեկին: Բացի այդ, նրանք կարող են հավաքվել գիշերը տաք անցկացնելու և առատ կերակուրի տեղի մասին տեղեկություններ փոխանակելու համար: Երկրում բազմաթիվ հրաշալի վայրեր կան՝ դիտման համար գրավիչ տեսարաններով, որոնցից մեկը Բրաիթնի կառամատույցն է՝ իր շրջակայքով:

                                                     Բնության առատաձեռնությունը

Աշունը կարող է նկարագրվել մրգերի, ընկուզեղենի և սերմերի առատությամբ: Գույների, ձևերի և մեթոդների շլացուցիչ մի խումբ կա, որը բույսերն օգտագործում են՝գալիք տարում հաջորդ սերունդը տարածելու համար: Շատ կենդանատեսակներ մեծ ուրախությամբ օգտվում են այս հաճույքներից՝ տեղափոխությունների և ձմեռելու համար անհրաժեշտ ճարպի պաշար ձեռք բերելու նպատակով: Անհանգստանալու կարիք չկա, քանի որ կերակուրը, սովորաբար, հերիքում է բոլորին:

Շատ կենդանիներ և թռչուններ սիրում են մրգեր և հատապտուղներ՝ մոշ, մասուր, հաղարջ, վայրի խնձոր և ալոճ, իսկ կաղինները սիրած սնունդն են ճայերի և սկյուռերի, որոնք «պահեստավորում են» դրանք՝ ձմեռվա համար:

Չմոռանանք դպրոցական բակին հատուկ շագանակենու մասին: Շագանակի ծառի վրա գտնվող՝ մուգ շագանակագույն սերմերն ապահովում են մանկության ուրախ ժամերը:

                                                          Մենամարտի ակումբներ

Տարվա այս ժամանակահատվածը նաև կարող է լինել կատաղի՝ եղանակի նման, քանի որ սա եղնիկների բազմացման սեզոնն է: Հակառակորդ եղջերուները պայքարում են իրենց սարսափազդու եղջյուրներով, ցուցադրում և փորձում են հրապուրել  եղնիկների հարեմին: Բոլորին գերազանցած եղջերուն հնարավորություն է ստանում զուգավորվելու այնքան եղնիկների հետ, որքան հնարավոր է:

Ամենատպավորիչ եղջյուրներն ունեն մեծ, կարմիր, և նրանցից՝ չափերով շատ քիչ տարբերվող պտավոր եղջերուները:

Անտառները, զբոսայգիները և գյուղական կալվածքները հարմար են այդ փառահեղ մարտերից ակնթարթներ որսալու համար: Սակայն «պատերազմող կողմերը» կարող են լուրջ վնասվածքներ ստանալ, իրենց մեծ եղջյուրների պատճառով: Այնպես որ, ապահովության համար, դիտելու ընթացքում, պետք է հեռավորություն պահպանել: Աղջամուղջն ու արևածագը լավագույն ժամանակն են մրցակցությունից առաջ եղջերուների արձակած ձայները լսելու համար:

Շարունակելի....

Աղբյուր՝ http://www.bbc.com/earth/story/20150904-ten-reasons-to-love-autumn