Friday, 19 June 2015

482-484թթ. ապստամբական Հայաստան: Վահան Մամիկոնյան

                                                          Ներածություն
Նախագիծը երկրորդ համաժողովրդական ապստամբական շարժման (482-484թթ.), դրա հետևանքների և այդ ժամանակաշրջանում Վահան Մամիկոնյանի դերի մասին է: Այստեղ ներկայացվում են մարզպանական Հայաստանի և Պարսկաստանի հարաբերությունները, հայերի դիրքորոշումները և գործողությունները, համագործակցությունը Վրացիների հետ:                           
                                   Իրավիճակը մարզպանական Հայաստանում
459թ. Սասանյան Պարսկաստանում գահ բարձրացավ Հազկերտ Բ-ի որդի՝ Պերոզը: Նա Հայաստանի հանդեպ շարունակում էր վարել իր հոր քաղաքականությունը: Նա գտնում էր, որ Ավարայրից հետո մարզպան Ատրմիզդը իր անելիքն արել է և նրա փոխարեն 464թ. նոր մարզպան է նշանակում Ատրվշնասպին (464-481թթ.): Հայաստանի տարբեր մասերում պարսիկները վերսկսում են հալածանքները հայերի դեմ և ձգտում են Հայաստանը դարձնել սովորական պարսկական մարզպանություն:
Նոր մարզպան Ատրվշնասպի շուրջը հավաքվեց հայ ֆեոդալական վերնախավի «ուխտանենգ» մասը, որն ավելի ուժեղացրեց պայքարը «ուղտապահների» դեմ: Առաջին հերթին որոշում են ասպարեզից հեռացնել Գյուտ կաթողիկոսին, որի մասին լուրեր էին պտտվում, թե նա գաղտնի բանակցություններ է վարում բյուզանդացիների հետ: Պերոզի հրամանով Տիզբոն է կաչվում կաթողիկոսը՝ քննելու նրա դեմ ուղղված Գադիշո Խոռխորունու ամբաստանագրերը և դատական պատասխանատվության ենթարկելու:
471թ. Տիզբոն ժամանեց Գյուտ կաթողիկոսը; Գործի նախնական քննարկումը հանձնվեց պարսիկ ավագանու ներկայացուցիչ Յըզատվշնասպ Միհրանին: Նրան առաջարկում են պաշտոններ և ոսկի, եթե նա կրոնափոխ լինի, մերժելու դեպքում սպառնում են զրկել կաթողիկոսությունից:

Վաղ Վերածնունդը Իտալիայում և մարդկային մտածողություն

                                                                  Նախաբան
Վերածննդի դարաշրջանը մշակույթի պատմության մեջ հանդիսանում է ավատատիրությունից կապիտալիզմի անցման սկիզբը, Միջնադարից անցումը նոր դարաշրջանի: Դասական Վերածնունդը վերագրվում է Իտալիային, բայց այդ գործընթացները տեղի են ունեցել նաև արևելյան Եվրոպայում և Ասիայում:
Վերածննդի դարաշրջանը բաժանվում է  3 փուլի՝ Վաղ Վերածննդի(14-15դդ.), որի ներկայացուցիչներ են համարվում Պետրարկան, Բոկաչոն, Դոնաթելլոն, Բոտտիչելլին, Դժոտոն և այլոք, Բարձր Վերածննդի (15դ. վերջ-16դ. առաջին քառորդ), որի ներկայացուցիչներն են Լեոնարդո դա Վինչին, Միքելանջելոն, Ռաֆայելը, Ֆրանսուա Ռաբլեն, և Ուշ Վերածննդի(16դ.), որի ներկայացուցիչներն են Շեքսպիրը և Սերվանտեսը:
Անտիկ դարաշրջանում մարդու իդեալ էր համարվում այն անհատ-քաղաքացին, ով ենթարկվում է իր քաղաքի օրենքներին, բայց միևնույն ժամանակ չի կորցնում բնության հետ կապը, որը համարվում էր տիեզերքը: Այն հանդիսանում էր ամենի չափորոշիչը: Այդ չափորոշիչի հիմքում ընկած են օրենքները, առկա ինչպես բնության, այնպես էլ հասարակության մեջ:

Thursday, 18 June 2015

Առաջադրանք 5

Ընտրեք ֆունկցիա: Կոորդինակային հարթության վրա նշեք այդ ֆունկցիայի գրաֆիկին պատկանող տասը կետ: Գծեք ֆունկցիայի գրաֆիկը:
f(x)= 2x2-3
f(1)= -1            
f(2)= 5
f(3)= 15
f(4)= 29
f(5)= 47
f(0)= -3
f(-1)= -1
f(-2)= 5
f(-3)= 15
f(-4)= 29

Wednesday, 10 June 2015

Ճամբարային առօրյայից

Ահա ևս մեկ ճամբարային օր էլ անցավ, բայց այս մեկ օրվա ընթացքում այնքա՜ն բաներ հասցրինք: Առավոտյան ընդհանուր պարապունքից հետո ընկեր Արշակի առաջնորդությամբ պատրաստվում էինք վաղվա ընդհանուր պարապունքին՝ պարում էինք իմ սիրելի ռազմապարերից մեկը՝ «Տալտալան», իսկ հետո փորձում էինք սովորել մեկ այլ ռազմապար, որն այնքան էլ լավ չէր ստացվում:
Դրական էներգիայի մեծ պաշար հավաքելուց հետո մեզ սպասվում էր անսպասելի իրավիճակներով հագեցած ֆուտբոլային խաղը. աշակերտները խաղում էին ընդդեմ ուսուցիչների: Ցավոք, ֆուտբոլային հանդիպմանը մինչև վերջ ներկա գտնվել չկարողացա. պետք է շտապեի Գեղարվեստի դպրոցի ցուցասրահ, ուր կայանալու էր «Ապաֆունկցիոնալ տարածքների ապամոնտաժում» խորագրով ցուցահանդեսը: Ցուցահանդեսում ներկայացված էին Սուսան Ամուջանյանի և նրա խմբի լուսանկար- ուսումնասիրությունները՝ խորհրդային տարիներից մնացած և այժմ չօգտագործվող շինությունների մասին: Ցուցադրության ընթացքում երաժշտական կատարմամբ հանդես եկան Երաժշտական լաբորատորիայի ղեկավար Կարեն Խաչատրյանը և 10-րդ դասարանի սովորող Աստղիկ Մամիկոնյանը:

Monday, 8 June 2015

Дизайнер Нур: Я готовлю духи внутри украшения

Дизайнер Нур, кто известен своими оригинальными украшениями, теперь производит духи тоже. Об этом с дизайнером более подробно побеседовал ArmStar.am .
- Нур, несколько месяцев назад говорился о том, что вы готовитесь производить духи, и оно, как и ваши украшение, не будут иметь второго экземпляра. Не будет второе от аромата заказчика. Оправдались ваши ожидание?
- Да, мои ожидание оправдались, и продолжают оправдаться.
- Я также знаю, что духи должен был сделан одним экземпляром: вы заранее должны общаться с заказчиком, потом понимая его суть создать его аромат. Вы работаете именно этим принципом?
- Да. Вообще все мои проекты, как заранее планируются, так и осуществляются, если больше не развиваются, то не изменяются тоже.
  - А заказчики духи те же люди, которые заказывали от вас украшение? То есть они ваши клиенты?
- Знаете, в основном у меня нет постоянных клиентов, потому что и̕  украшение, и̕  духи не имеют второго экземпляра. Оно характеризует данной личности, поэтому второго экземпляра не может существовать.  Внутренний мир человека - один. И он максимум может иметь три формы, ни больше.

Sunday, 7 June 2015

Առատ էներգիա. երախտագիտության սուրբ օրենքը

«Աշխարհը հայելի է, այն յուրաքանչյուրին վերադարձնում է իր պատկերը»:
Արդյո՞ք մենք կարողանում ենք երախտապարտ լինել: Խոսքն ուղղակի «շնորհակալություն» ասելու մասին չէ, երբ մեզ լավություն են անում, չնայած ոմանց համար դա ևս մի քայլ է: Խոսքն արտաքին և ներքին երախտագիտության մասին է, երբ մարդը պատրաստ է իրենից մի մասնիկ տալ դիմացինին, որպեսիզի վերականգնի մի անտեսանելի հավասարակշռություն և իր շուրջ ստեղծի ներդաշնակություն:
Մենք ապրում ենք մի տարածության մեջ, որն ամբողջովին խաղ է և էներգիայի փոխհարաբերություն: Փաստացի այն համապարփակ Էներգիան է, Ճշմարտության Գիտակցումը, Ուժի Գիտակցումը, որը խաղալով հոսում է գետերի և առվակների տեսքով, իրեն դրսևորելով տարբեր որակներում:
Երբ մեզ որևիցե մի աղբյուրից ինչ-որ բան է տրվում, դա նշանակում է, որ այդ աղբյուրից մեզ որոշակի քանակով էներգիա է փոխանցվում: Սովորաբար մեզ հաճելի է ինչ-որ բան ստանալ: Ցանկացած նվեր անխոս գթասրտություն է: Եվ եթե մեր հոգին արդեն իսկ դրսևորվում է իր բնույթին համաձայն, ապա մենք հասկանում ենք, որ յուրաքանչյուր այդպիսի «նվեր» պետք է գնահատել: Գնահատվում է այն աստիճան, երբ այդ պահին հոգու խորքից կրակի պես բարձրացող երախտագիտության, ինչ-որ բան տալու ձգտում է արթնանում՝ հաճախ նույնիսկ ավելին, քան տրվել էր:

«Հայոց լեզու 2014, թեստ1»

Ա մակարդակ 
1- 3) Հնդկընկույզ,երկընտրանք, անըստգյուտ, ճեպընթաց
2- 1) Ըմբռնել, ամպամած, թումբ, գամփռ
3- 1) Առընթեր, երկկողմ, շարվեշարան, հազիվհազ
4- 1) Աֆղանստանի Իսլամական Պետություն, Մեծ Մասիս, Դոնի Ռոստով, Ֆրանց Վերֆել
5- 3) Բիրտ,  դժնդակ, անողոք, անագորույն
6- 2) Բուժիչ- ախտածին, օրհնել-բանադրել, կարծրատիպ- ազատախոհ
7- 3) Հայ ժողովուրդն իր խորին երախտիքն է հայտնում Ֆրանսիային՝ ցեղասպանության ժխտումը քրեականացնող օրինագիծ ընդունելու համար:
8- 3) Խցան, ընդունակ, միջոց, ապերասան
9- 2) Սառցաշերտ, հիմնապատ, մեղրամոմ, դեղաբույս
10- 4) Ուսուցչուհին հրահանգեց, որ առաջին շարքը պիտի վազի մինչև աղբյուր, մյուսը՝ սղոցարաններ:
11- 2)Փայտահատը հետ քաշվեց ու սոսկումով նայում էր, թե ինչպես են վերքից ընկնում կաթիլները՝ մերթ կարմիր արյան նման, մերթ վճիտ արցունքի պես:
12-3) Գործարանի ամբողջ բանվորների շրջանում տարածվում էր ըմբոստության ալիքը:
13-) Զգացի, որ տղան շատ վրդովվեց իմ այդ խոսքից, և փորձեցի մեղմել անհաճո իրավիճակը:

Tuesday, 2 June 2015

Բարի գալուստ ամառ


Հունիսի 1՝ մանուկների պաշտպանության օր, ամռան սկիզբ և իհարկե ամենահարմար պահը ընկերական զբոսանքի համար: Բաց չթողնելով այս հրաշալի առիթը` չորս «փոքրիկ» սեբաստացիներով գնացինք նշելու մեր տոնը: Օճառե պղպջակներով, լայն ժպիտներով և իհարկե ֆոտոխցիկով ուղևորվեցինք Հաղթանակի զբոսայգի՝ մեր ուրախ տրամադրությունը փոխանցելու քաղաքին: Հավաքելով մանուկների երջանիկ ճիչերի, երկինք բարձրացող օճառե պղպջակների և անխնա «ժպտացող» արևի էներգիան, շարունակեցինք ճանապարհը դեպի Կասկադ՝ հաղթահարելու Երևանյան մեր առաջին բարձունքը: Այնտեղ բազմագույն ծառեր էին աճել, որոնց տերևները նման էին «խխունջ» մակարոններին: Նրանց կողքին կար սպիտակ արջ, իսկ շենքի ներսում փափուկ բազմոցներ, որոնց վրա ցավոք նստել չէր կարելի: Ժամանակակից արվեստն իրոք որ շատ հետաքրքիր է, և միայն ոտքերի անտանելի ցավը կարողացավ ստիպել մեզ կտրվել այդ աշխարհից, գալ իրական աշխարհ, ուր ամառային քաղաքն էր, իր փոքրիկների գունավոր ու արևառատ ժպիտներով: